يا جماعة الربع من شباب وبنات (جاكم البرد اللي جانا)

السلام عليكم ياجماعة الربع

وشلونكم مع البرد

جاكم البرد الي جانا .........................................

صراحة اتكلم عن نفسي وبالنيابة عن زملائي وزميلاتي

اول مرة اشوف برد بها البرودة ( اجل تبي برد فيه حرارة)

والله يامرة ايام اني لابس بجامتين وفنيلة وثوب وجكيت وفروة واثنين ببسي

معليش الواحد يضيع من ها البرد

المهم صار وزني عشرين كيلو زيادة من ها الملابس

الي يشوفني من بعيد يقول جاكم رامبو (يا قدمي)

صح اني اذا رحت اتمشى لاوروبا واسبانيا وكراتشي احس بها البرد بس برد بها الشكل ما شفت

من قو البرد صرت اخم الدفاية حتى مرة بالسيارة ابشغل المسحات واضغط على الماء ويطلع

ويتجمد بالهواء صار تقل نافورة

والخشوم اتشوف كل اخشوم اخوياك كرت احمر كل خشم احمر من الثاني ماهو منهم من ها البرد

الي جاهم

لا والحين جو اختبارات يعني الواحد ما يقدر يفهم لان المعلومات تلقاها متجمدة بالراس يبيلك دفاية

خاصة لراس

عمركم شفتم ناس بالسيارة وهم يسوقون لابسين بطانية ماهو منهم من البرد ( لا دققون)

الحين عرفت وش معنى عبارة البرد القارص ...........................

بعد ها المقدمة الطويلة الي يجي طولها خمسة متر

اتناقش انا وأحد الزملاء ( ياعيني على الاسلوب )

هو يقول البرد والشتاء زين وانا اقول ان الصيف احلى ( على وزن الطائف احلى)
اقولكم وش يقول عن الشتاء يقول ان الشتاء الجو بارد وهو يحب الجو البارد وانه يشب النار

انا اقوله ركب بمطبخكم مكيف وشغل الفرن بالصيف وستانس كنك بالشتاء

بس شوفو وجهت نظر خويكم الي هو انا عن الصيف

الصيف تكون السماء زرقاء والجو جميل ( متأثر بالتعبير برابع ابتدائي)

وغير كذا تطلع متى ما بغيت الفجر الظهر الليل في اي وقت

غير كذا تلبس الي انت تبي تبي تلبس ثوب البس تبي تلبس ملابس رياضة البس تبي تلبس فنيلة

علاقي وجنز البس

مافيش مشكلة تبي تمشى بأي مكان تمشى تبي اتنام باي مكان نام حتى لوكان فوق السطوح

بالعربي وأقولها بالفم المليان انا صيفي احب الصيف

وتحدى احد يثبت غير كذا

ولا وش رايكم

مع احترامي للاخوان الشتويين الي يحبون الشتاء

الكابتن عبسي