منتديات الحنون
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.


منتديات الحنون تتشرف بزوارها وأعضائها
 
الرئيسيةالبوابةأحدث الصورالتسجيلدخولhttps://2img.net/i/empty.gif

 

 اربع بنات في السوق يغازلوني ويحاولون ترقيمي...

اذهب الى الأسفل 
كاتب الموضوعرسالة
الحنون
وسام عضو مميز
وسام عضو مميز
الحنون


ذكر
عدد الرسائل : 177
العمر : 33
تاريخ التسجيل : 28/01/2008

اربع بنات في السوق يغازلوني ويحاولون ترقيمي... Empty
مُساهمةموضوع: اربع بنات في السوق يغازلوني ويحاولون ترقيمي...   اربع بنات في السوق يغازلوني ويحاولون ترقيمي... Icon_minitimeالثلاثاء فبراير 12, 2008 6:19 pm

صباح الخير اذا عندكم صباح ومسا الخير اذا عندكم مساء
بصراحه هذا اول موضوع لي واتمنى انو يعجبكم


أقول لكم موقف صار معاي من يومين الا بلا ش اقوله <<<<<اول مره يصيرله هالموقف




في يوم من الايام اتجهت الى الســوق.....المووهيم....اني دخلت بلحالي

مترزز وش حليلي ....دخلت وانا ناوي اخذ غرض واطلع من هالسوق

اللي مافيه الا القهر...... <<<متعقد لاحول

دخلت لمحل عطور....ناوي اشتري عطر....المهم لما دخلت قعدة اسولف مع

اللي في المحل هو يحاول يقنعني وانا متزمت ياينزل لي في السعر يا

ابعطيه ركبه على خشته الين ما ينزل في السعر

هالسمرمدي

مع محاولة الشد والجذب بيني وبينه....شوي الا اربع بنات دخلو

علينا في المحل ....

كل وحده تقول يالقمر انزل وابصير محلك

طبعا انا ماشفت الا هالعبايات الجديده....وهالريحه اللي تطلع البنكرياس

وتقول له شم عساك الماحي ....وهالعيون اللي تقول فناجيل دله مبهره بهيل

مخلوط مع قهوة هرري .....يالله وش ذا الزين......

سبحان اللي خلقكم وسماكم بني ادم وسمى هاللوح اللي قدامي راعي المحل بني ادم سبحان اللي

جمعهم بصفة الانسانيه ......المهم لايغركم الوصف......

طبعا انا طبقت اول نظره لك والثانيه للشيطان وخليتها قزه وحده يعني

تكحيله كامله .... :

شوي طالعوا وش اللي صار

خلاص بعد ماناظرتهم صديت عنهم.....طبعا انا ثقيل ولا عاد يهموني

قمت وبعدت في طرف المحل....شوي الا كل مالهم يقربون وانا

ابعد الين ما حشروني في زاويه

قامت الطويله وقالت لي وش

هالثقل ...


طبعا هم 2 طوال ووحده متوسطة الطول ووحده دبدوبه ...ما رديت

عليها.....


شوي الا الا الدبدوبه تقول تكفى بس نظره ....وانا ولا كن قدامك

احد...طبعا شاب طموح << ...

سويت نفسي ما اسمع....لان مافيه في المحل

الا انا و راعي المحل طبعا موو انــا ...شوي الا اللي ماهي طويله تقول لي

ممكن لو سمحت واطالع الا معاها ورقه....قلت وش ذا....قالت رقمي قلت لها

اسف:....شوي الا الطويله الثانيه قالت ممكن استخدم جوالك ......قلت يالله

اجر نعطيها الجوال يمكن تكلم خيها ولا بيها يجي ياخذهم من

السوق .....ابد خذته دقيقه ورجعته لي الا لاقيتها مخزنه رقمها ... قلت لها

nice try ....وحذفت رقمها مانفعت محاولتهم مع واحد ثقيل زيي .... يا السحاالي

حاولوا وحاولوا....ولا فيه فائده.......انا ما كنت افكر فيهم انا كنت

افكر وشلون اكسر خشت راعي المحل واخليه ينزل في سعر العطر

المهم لم نتفق انا و اللي في المحل.....لما جيت ابطلع قاموا البنات

وتقاطوا علشان يشترون لي العطر اللي كنت ابغاه قلت لهم لو سمحتوا خليكم

في حالكم ....انا ما طلبت صدقه منكم طلعت من المحل وقلت اللي اولها كذا

ينعاف تاليها....خلاص ابطلع من السوق احسن....رحت لسيارتي.....ولما وصلت

للسياره لقيتهم يمشون وراي اعجبني فيهم روح الاصرار والكفاح على ايصال

الهدف المنشود كخخخخ . ...المهم تذكرت اني ناسي المفاتيح عند راعي

المحل....رجعت الا الدبدوبه كانت من ناحيتي وقالت علي الطلاق بالثلاث الا

تأخذ رقمي لاتكسحني قدامهم قلت والله اسف....لو سمحتي روحي

بطريقك.....رجعت للمحل.....وخذيت مفاتيحي ..

لما رجعت لسيارتي لقيت البنات يبكون على الكبوت ...والدموع اربع

اربع ...حسيت بذيك اللحظه اني انسان قاسي القلب ...قمت وقربت من البنات

وفتحت الكبوت .....وخليتهم يصبون دموعهم في الرديتر...لان ما فيه

ماء ...

وخرتهم عن الكبوت وشغلة السياره.....ومشيت وانا اشعر بالنصر ...ومشيت

شوي الين ما وصلت المحطه علشان اعبي بنزين........شوي الا لقيت الدبدوبه
متعلقه فوق التنده وهي تقول......اما كذا ولا فلا ...... المهم نزلتها

وقلت لها والله لو تحبين السما ماراح آخذ رقمك .... قالت واللي يرحم

والديك .... خذه حتى لو ماتكلمني اهم شي اقهر خوياتي ...... قلت

شوفي ....على بلاطه انا ما احب البنات

شوي الا خوياتها الثلاث وصلو مكان الحدث ..... وقاموا يترجوني اني اعطيهم
وجه لو دقايق ....... وانا مصر على موقفي .....ووسط دموعهم

الحارقه .... وندمي على كسر خواطر هالبنات الضعوف ..... قررت انا المدعو

# ..... الخ الخ # اعطف واتكرم عليهم واعطيهم وجه ..... وتوني باكلمهم الا

احس ان شي طاح على راسي من السمـــا ...... وشهو ياتــرى ؟؟؟؟؟؟؟؟


يا حسافة






يا حسافة








يا حسافة












طلع حلم

لوووووووووووووووووووووووووول

الرجوع الى أعلى الصفحة اذهب الى الأسفل
 
اربع بنات في السوق يغازلوني ويحاولون ترقيمي...
الرجوع الى أعلى الصفحة 
صفحة 1 من اصل 1
 مواضيع مماثلة
-

صلاحيات هذا المنتدى:لاتستطيع الرد على المواضيع في هذا المنتدى
منتديات الحنون :: منتديات الحنون للمرح والتسلية :: منتدى الصرقعه والقرقعه-
انتقل الى: