مثبــت: قديمك نديمك لو الجديد أغناك

بسم الله الرحمن الرحيم

وبعد

سيرت على واحد من زملاء الماضي وقمنا نسولف عن ايامنا القديمة بالحارة وايام لعب الكرة

طبعا قديما كنت انا احسن احتياط فكانو الشباب يدورون لاعبين اساسيين لان الاحتياط جاهز

مرة وحدة لعبت اساسي بس عجزت اركض وعجزت العب يوم انتهت المباراة اكتشفت ان كنادري

كلهن يسار

وطبعا الحال ميسور فكان الطقم فنيلة ابو بقرتين ( الي يخبر الفنيلة هذي كانت ماركة مسجلة)

وكان الواحد اذا ما عنده سروال رياضة يلبس سروال سنة ما فيش مشكلة اول كل شي يمشي...

وحنا نسولف قال عندي لك مباراة قديمة ونجيب الفديو ونشغل الشريط

كانت مباراة قديمة ايام احمد جميل والله من التكسير وايام مروان بصاص خالد منسي

(طبعا بعضكم ما يذكر ها الاسماء )

كانوا يلعبون من قلب قبل الاحتراف

كان يلبسون الشورت ضيق والفنيلة ضيقة والاشكال مش حالك لا يعرفون حلاقين ولاغيره

كلهم يشبهون بعض ................. المعلق يبلش بالاسماء

وبعدين حتى لعبهم غير اذا زلق الواحد من ها الاعبين على الكورة يشيل الكورة والي تحت الكورة

بعض المرات يطلع البترول من قو الزلقة

كان الواحد من الاعبين زمان اذا اخذ البطولة يبكي الى البطولة الثانية من زود الفرحة لو اتجيبله

ددسن محملة مناديل خلصن من كثر الصياح

وبعدين الاعبين على قد حالهم سياراتهم على قد حالهم ددسن غمارتين 85

والا كابرس 82 واذا خربها شراء موستنق والا بنز ( قديم ) سيارات قديمه

لاعبين اول قاعدتهم اذا فاتك الكورة لا يفوتك الرجال .......... ناس تلعب من قلب

الي يسمع ها الكلام يقول عمره 25 سنة

ونرجع انا وخوي لأيام الحارة

ايام الكابتن ماجد وسنشيرو وخالتي اقماشة

ايام الفيديو ما كان فية دش ما عندك الا فيديو والا مسجل استريو سمعتين والا اتاري والا كمبيوتر

صخر

اذكر اول مجت البيتزا مبطي تجمعنا ورحنا نبي نشري بيتزا طبعا ما نعرف شكلها الي يقول انها

لحم دجاج والي يقول انها نوع من انواع الجبن ........ وكل واحد يتخيل البيتزا

المهم دخلنا المطعم وطلبنا بيتزا يوم جابها ونشوفها ونتظر نص ساعة ما كلنا شي

يوم جانا العامل قال وليش ما تكلون قلنا ننتظر الخبز نحسب البيتزا توكل بخبز

كان كل شي غريب وكل عجيب ..............

انتهت زيارتي لصديقي قمت ولا زالت الذكريات تدور في مخيلتي

انتهى

وللحديث بقية

الكابتن عبسي